Um okkur

Við höfum undanfarin 10 ár veitt persónulega þjónustu og kappkostað við að vera til staðar fyrir pör á stærstu stundum lífs síns. Með hugsjónina að vopni fær hjartað að ráða för.

Ég vil hafa fagmennsku og hlýju að leiðarljósi í starfi mínu sem doula og sem fjölskyldufræðingur.

Að mínu mati er ráðgjöf, meðferð og stuðningur opið ferli sem á að vera aðgengilegt og auðskiljanlegt. Ég hef trú á því að fólk hafi innri getu til að finna lausnir fyrir sig og getu til að upplifa betri líðan en þurfi stundum annað sjónarhorn inn í aðstæður. Í mínum huga er mikilvægt að allir séu virkir þátttakendur.

Ég sinni alhliða fjölskyldumeðferð með áherslu á samskipti innan parasambandsins og fjölskyldunnar. Ég hef sérhæft mig að vinna með foreldrum sem eiga von á barni og fyrstu ár barnsins út frá tengslameðferð og í parameðferð. Ég vinn með mæðrum og foreldrum sem glíma við vanlíðan og þunglyndi eftir fæðingu, fólki sem er að takast á við kvíða og jafna sig eftir erfiða fæðingu. Ég vinn með fólki sem vill finna betri líðan á eigin skinni.

Fjölskyldumeðferð er samtalsmeðferð sem tekur mið af því að aðstoða fjölskylduna eða einstaklinga innan hennar við að skilja samskiptin sín á milli og hvernig viðbrögð okkar hafa áhrif inn í heildina. Fjölskyldumeðferð vinnur að því að  leysa samskiptavanda með velferð fjölskyldunnar að leiðarljósi. Fjölskyldumeðferð vinnur að því að aðstoða fólk við að öðlast dýpri skilning á samskiptakerfinu 

 

Soffía

Soffía Bæringsdóttir hefur starfað sem doula frá 2008 og verið þess heiðurs aðnjótandi að vera við yfir sjötíu fæðingar og aðstoðað hátt í tvö hundrað pör í að undirbúa sig fyrir fæðingu. Hún hefur á undanförnum árum haldið fyrirlestra og námskeið um fæðingarundirbúning og svefn ungbarna, tekið á móti erlendum fyrirlesurum og haldið utanum doulu-nám á Íslandi.

Soffía býður upp á fæðingarundirbúning fyrir einstaklinga og pör, hvort heldur er hefðbundinn fæðingarundirbúningur í stakt skipti eða fæðingarundirbúningur þar sem lögð er áhersla á slökun fyrir fæðingu og að losa sig við ótta fyrir fæðingu. Soffíu er sérlega umhugað um að aðstoða konur fyrir fæðingu sem hafa áður upplifað erfiða fæðingarreynslu og mastersverkefnið hennar laut að því að skoða reynslu foreldra af erfiðri fæðingu.

Að auki sinnir hún para- og fjölskyldumeðferð með tengsl og styrk í huga.  Metnaður hennar liggur í að vera til staðar fyrir fjölskyldur á þeirra forsendum og hjálpa þeim að sjá sinn styrkleika.

Soffía er gift þriggja dætra móðir.

Menntun:

2019 MA í fjölskyldumeðferð frá HÍ
2018 ProfCert í konur, fíkn og áföll frá Háskólanum í Dublin
2018 Fjölskyldufræðingur frá EHÍ
2018 Principles of Parent Infant Pscychology – Anna Freud Centre (PIP)
2017  Grunnámskeið í Emotionally Focused Couples therapy (EFT) Core skills
2016  Fæðingarfræðari (CBE) frá Childbirth international (Childbirth Educator)
2015 Vinnusmiðja með Penny Simkin um áhrif kynferðisofbeldis í æsku á barnshafandi konur
2015 Vinnusmiðjur með Ina May Gaskin um náttúrulegar fæðingar og valdeflingu kvenna
2014 Ráðstefna um brjóstagjöf með Diana West
2013 Hypnobirth- leiðbeinandi frá Hypnobirthing Mongan Method
2013 Leiðbeinendanám í ungbarnanuddi
2012 Rebozo-vinnusmiðja fyrir doulur og ljósmæður
2012 Að lesa í merki ungbarnsins (NBO)
2011 Fæðingardoulunám DONA
2008 Fæðingardoula frá Childbirth international
2005 B.Ed frá Kennaraháskóla Íslands

Að auki eru fjölmargar ráðstefnur og námskeið ótalin. Soffía er í reglulegri faghandleiðslu hjá fjölskyldufræðingi og sálfræðingi.

Samhliða starfar Soffía í geðteymi Heilbrigðisstofnunar Suðurnesja við fjölskyldumeðferð.

Aðsetur, Lygna Síðumúli 10, Reykjavík.